英冠升班附加賽首回合正式開打,第六諾定咸森林主場鬥第三史雲斯。兩軍狀態俱佳,亦可「夫添」上陣,但森林近五仗勁失七粒,相反史雲斯作客失球少,今仗打穩守突擊啱晒。森林今季主勝率僅過五成,讓平半取史雲斯下盤。(now 638周五凌晨2時45分直播)
自比利戴維斯執教森林後,球隊變成實力分子,去季亦殺入升班附加賽,但喺四強兩回合都不敵黑池,最後飲恨而回。同昆士柏流浪、李斯特城、卡迪夫城比較,森林缺乏買人資金,比利戴維斯亦多次抱怨冇錢收購頂級球員,今季用番相若球員打江山,拿仁對佢哋期望唔高。
森林主攻得不償失
事實上,森林季尾攻力係有所改善,但後防卻極唔集中,最後九場聯賽失十八球,今場要唔失波都難。森林深知史雲斯主場威力勁,首回合肯定喪攻求勝,最後或者得不償失,再嘗上屆附加賽主場輸波噩夢。
史雲斯全季演出平穩,喺最後階段更取得英冠第三,最後三場取得全勝並攻入十球,史葛冼佳亞、勞基摩亞同波連尼都正處佳態,領隊羅渣士亦話球隊上下毫無壓力,就算今場係作客出戰都希望贏波。史雲斯季尾兩場作客和樸茨茅夫贏米禾爾,今場受讓好路。