目前喺西甲落後一哥皇家馬德里10分之多嘅巴塞隆拿，今輪聯賽會在魯營主場迎戰華倫西亞，兩軍月初西班牙盃四強先對過兩次，巴塞以技術性擊倒「蝙蝠兵團」。巴塞聯賽再冇失分空間，主場出擊贏兩球或以上問題唔大，捧「讓球主勝」。（now 632周一凌晨4時30分直播）
十日前華倫作客吞兩蛋
兩軍約在十日前喺西班牙盃次回合交過手，巴塞坐擁主場之利，以二比○輕取華倫。有睇嗰場波嘅朋友都應該感受到巴塞壓住嚟踢嘅嗰股強勁氣勢，華倫就算精銳盡出都冇招架之力。
雖然巴塞上場聯賽再度失分，二比三不敵奧沙辛拿，但嗰場波受到不少外來因素影響，例如場地結冰、草地太爛，仲有球證誤判等，間接導致巴塞輸波，絕對唔可以怪晒巴塞班星級球員。再者，巴塞已經落後皇馬10分，預計唔會就此放棄，始終佢哋次循環仲未對「艦隊」，只要呢場對賽贏波，就可以拉近分數，所以巴塞主場出擊必全力強搶三分，華倫實力已不及對手，又要作客，預計巴塞可贏兩球或以上
