王牌射手都打算賣走,唔通仲有心情爭歐洲賽踢?阿積士今晚喺荷甲主場對格羅寧根,一於捧1.77倍「讓球主勝」!最近格羅寧根首席射手馬達夫斯受到傷患困擾,接近兩個月冇波入,加上高層打算將佢高價賣走,唔捨得用殘佢,搞到佢連正選位都冇埋,咁嘅情況邊夠阿積士砌呀?(now639台周日晚8:30直播)
格羅寧根想放走主力射手
由於要分心歐霸盃,近5場阿積士得2勝3負,表現的確唔似樣,但其實佢哋喺聯賽仲未絕望,只係落後榜首嘅川迪5分,距離次席嘅燕豪芬3分,就算爭冠軍形勢比較被動,都要諗辦法搶個第2位踢歐聯,戰意唔需要懷疑。近日阿積士高層放風話,準備同今季攻入9個聯賽入球嘅中場施安迪莊續約,目的係咩?當然係希望提高更衣室凝聚力,齊心合力重奪歐聯入場券,今場點睇都唔似會揸流攤。
仲有呀,阿積士近10場主場有9勝1負,當中有7場至少淨勝兩球,主場惡到得人驚,而且阿積士往績贏晒,近6次主場對格羅寧根有5勝1和,有條件開「讓球主勝」益街坊。對家方面,格羅寧根其實有機會爭踢歐霸盃,但佢哋嘅高層據聞已落柯打,出售斯洛文尼亞射手馬達夫斯到拿玻里,換取現金,到底有冇歐洲賽踢,明顯唔係佢哋最關心嘅事,散貨行動或者陸續有來,要唔過喎。