赛前分析:布力般曼城捱细界
布力般旧年年底畀印度财团Venky's收购,本来雄心壮志,不过打到依家沦落去到联赛尾5,仲要为护级忧心。曼城08年畀中东超级富豪文梳亚买起,今季开始踏入收成期,足总盃打入决赛,唯一要闹嘅係联赛虽则排紧第4,但近9战只係得3胜2和4负,目前仅较第5位热刺多1分打少场,想保住下季进军欧联资格,都唔到佢哋放鬆。
辛达告鲁斯唔出得
虽则话大家都想赢,问题係有心无力嘛!布力般已经连续10场未赢过波,就算话今仗有加拿大前锋凯列特伤愈复出,但最够卡士嘅借将射手辛达告鲁斯,就因为合约条例唔可以披甲倒戈,加上中场尼桑斯停赛,想入多球都难啦!
曼城喺足总盃入决赛表面睇士气高涨,但睇番佢哋作客战绩,连埋欧霸同足总盃计,已经连续10场未赢过,近4场作客仲要係冇波入添。前线最信得过嗰件泰维斯继续养伤,「麻烦友」巴洛迪利自从3月3号对住维拉入过波后就守斋至今,迪斯高则联赛9次披甲未入1球。前线死火,撞正曼城係英超第2佳防守球队,呢场「入球细」劲稳阵!足球彩票 足彩预测
布力般下半场唔掂
‧全英超下半场演出最差球队,下半场仅入6球失38球。
‧开季至今联赛共94次换人为英超最多。
曼城防线靠得住
‧开季至今仅失30球,英超第2佳。
‧前锋迪斯高加盟后,联赛9战未入过波,仅7次射中门。