香港時間周三凌晨上演歐聯四強首回合,史浩克04主場鬥曼聯,雖然大部分人都睇好「紅魔鬼」,但今仗只係首回合兼作客,最緊要係唔輸,如果打和返奧脫福,相信領隊費格遜都收貨,史浩克受讓,一於捧「讓球主勝」,進取啲可捧埋和波及細盤。(有線61及201台周三凌晨2時45分直播)
紅魔鬼搏殘和波收貨
曼聯早前歐聯淘汰車路士出局,更寫下七連勝佳績,但一支球隊狀態梗有起伏,「紅魔鬼」近期表現明顯滑落,近三仗僅入一球,計盤路三場波都輸盤,今仗作客讓波真係欠缺捧場價值。
其實睇番曼聯歐聯嘅策略,作客都係偏向保守,十六強作客馬賽悶和○比○,返到主場先贏波晉級,至於八強作客車仔贏波係意外收穫,只係對方太想贏,先至畀曼聯偷到雞,史浩克自知牌面輸蝕,今場都係以防守行先,唔輸已經收貨。
讓球主勝做曼聯「細」界
史浩克最大優勢就係專心踢歐聯,佢哋聯賽冇嘢好爭,上周六主場對凱沙羅頓,索性收起部分主力,結果以○比一敗陣,反觀曼聯連場硬仗,除八日內踢三場外,嚟緊聯賽仲要硬撼阿仙奴同車仔,備戰方面一定冇對手咁集中。足球彩票 足彩预测
仲有一點值得留意,就係雙方都有一位出色門將把關,「紅魔」門神雲達沙有幾穩陣,已經唔使多講,史浩克嘅紐亞亦非常犀利,反應奇好,出迎時間非常準確,連費格遜都對佢非常有興趣,早已經想將呢位德國國腳收歸旗下,做雲達沙接班人。兩位門神正面交鋒,勢必更加落力大演身價,要入波更加難。此外,翻查過去六屆歐聯四強首回合賽事,十二場當中有十場開細,可見嚟到關鍵時刻,一失足成千古恨,每隊都唔想犯錯,除捧「讓球主勝」外,今場細盤亦可考慮。