老土都要講句：「喺邊度跌低就喺邊度企番起身！」仲記得皇家馬德里上年年尾畀巴塞隆拿大炒後，平時寸嘴嘅莫連奴即刻收聲，原來係等機會復仇。結果喺早前西甲同西班牙盃交鋒，皇馬對巴塞都步步進逼，若然連歐聯都將死對頭踢出局，咁就乜仇都報晒！今晚歐聯4強首回合，皇馬喺巴拿貝迎擊巴塞，小妹睇好佢哋坐和望贏，受讓熱捧1.48倍「讓球主勝」！（有線61、64及201、中央5台周四凌晨2:45直播）
皇馬呢季真係不停進步，雖然係同一班球員，但防守表現就好似判若兩隊，呢一切當然要歸功莫連奴！事實上，皇馬班球員真係聽話咗好多，專心執行「寸王」嘅戰術同臨場指揮，就好似上場西盃決賽咁，就係班大帝堅守莫帥嘅策略，半場成功將巴塞屈到零射門！
皇馬副選照炒華倫氣勢勁
捧盃後皇馬球員個個士氣高昂，尤其係啱啱生咗個女嘅卡卡，復出後表現穩步上揚。皇馬喺上場聯賽只係派副選上陣，居然大炒華倫西亞，可見氣勢如虹！唔好忘記巴塞上年就係畀莫連奴帶領嘅國際米蘭淘汰，睇怕莫帥响呢場「西班牙打吡四重奏」Round 3，都會翻炒主場先求小勝、作客全力死守嘅策略！
恩尼斯達有傷巴塞壓力大
其實依家就連巴塞球員都感受到皇馬個勢，啱啱先輸咗個西班牙盃，話無壓力你都唔信啦，何況佩奧爾剛啱傷愈，又輪到恩尼斯達右邊小腿有傷！門將域陀華迪斯呢個時候話擔心球證執法問題，正正係受壓嘅表現！雖然佢哋上場都係半力出擊贏波，但論氣勢就不及皇馬喇，今晚作客巴拿貝上演近期嘅第3回合交鋒，小妹相信「宇宙最強，間中都會受傷」！我支持皇馬殺入溫布萊，事關無論係C朗抑或魯爾倒戈，點都會更有話題性同睇頭啦！足球彩票 足彩预测
Kit推介
皇家馬德里 讓球主勝
