挪威盃第三圈總共有十六場,馬會受注八場,主要涉及挪超球隊,原本挪超球隊已經超班,上輪聯賽仲因為球員罷工取消,令佢哋比對手有更多時間休息,相信會取得一定優勢。咁多支挪超球隊當中,最睇好特林素,呢支挪超一哥今季表現穩定,對住挪甲下游分子波杜基林特,「讓球主勝」穩開。 (周四凌晨零時開賽)
先講講挪威盃賽制,以一場過定勝負,雙方九十分鐘打和立即加時三十分鐘,再和即以互射十二碼分勝負。強隊為免夜長夢多,影響周末聯賽,梗係想法定時間內搞掂對手,尤其係特林素,好耐未試過喺挪超發威,今季必定唔會放過難得機會。
波杜基林特輸少當贏
事實上,特林素開咧至今連盃賽十場不敗,喺挪威盃頭兩圈都係以三球距離擊敗對手,今場對手波杜基林特喺挪甲只係排十四,叻極有限,聯賽作客四戰輸三場,點威脅挪超「一哥」,輸少當贏啦。