本周巴甲其中一場重頭戲為哥連泰斯主場對聖保羅。經過五輪聯賽交鋒後，聖保羅仍然保持全勝佳績，球員狀態處極佳水平，哥連泰斯有主場之利都未必讓得起。聖保羅受讓平半可捧下盤。 （周一凌晨3時開賽）
聖保羅唔只係巴甲長勝軍，聯賽作客更加保持零失球，賽績非常硬淨。開鑼戰聖保羅作客富明尼斯就係受讓平半，結果輕取對手二比○，故此球迷毋須因受讓就睇小佢哋。
哥連泰斯能佔據前列當然有佢本事，但要打破聖保羅全勝紀錄就唔容易，始終今季聯賽都輸過畀山度士及法林明高，走勢唔及聖保羅咁好。
華斯高仲未止蝕
另外，戈亞尼恩斯主場對華斯高，主Ｗ可多加留意。華斯高自從喺巴西盃與哥列迪巴硬撼之後就成隊散晒，至今仍未回氣。戈亞尼恩斯可以趁佢病攞佢命。
