「銀河艦隊」早前喺國家打吡慘被巴塞隆拿擊沉，一眾新兵表現亦被巴塞嘅新收購比下去。不過今晚皇馬喺西班牙盃作客丙組球隊邦弗拉甸拿，就正正係呢班星級後備爭取表現嘅好時機，預計入波唔會少，不妨博一博4.3倍嘅總入球4球！（now632台周三凌晨3:00直播）
卡利祖效率高過C朗
芸芸皇馬後備兵中，小妹最關注嘅一定係荷西卡利祖，呢位翼鋒本身係皇馬青訓產品，難得返到母會，當然唔會放過任何一個表現機會。荷西卡利祖最得莫帥歡心嘅係佢嘅入球能力，卡利祖喺今屆歐聯雖然只係踢咗188分鐘，不過已經攻入4球，同賓施馬並列為皇馬歐聯分組賽神射手，比起踢足4場但只入3球嘅C朗效率更高！
今仗唔止係副選現身價嘅時機，更有機會爆發「中場爭奪戰」！事緣奧斯爾喺國家打吡後遭莫連奴暗指係輸波原因，批評佢「唔敢同對手抗衡」，大有可能失落正選位置，卡卡同紐尼沙軒今場仲唔爭表現博上位咩？只要佢兩個肯搏殺，要撕破「丙組仔」邦弗拉甸拿嘅防線上演入球騷，絕對冇問題
