德甲弗賴堡主場鬥雲達不來梅，不來梅向來係弗賴堡剋星，尤其作客更鋪鋪大炒對手，加上弗賴堡今季實力進一步削弱，已成降班鐵膽，不來梅只讓平半真係超筍，黑柴捧上盤。（有線61及201台周日晚10時30分直播）
不來梅近7次對弗賴堡取得全勝，近4次作客戰果分別係3:1、6:0、6:0同4:2，證明弗賴堡嘅巴德諾法體育場係佢哋福地，何況弗賴堡喺歇冬期放血後實力進一步削弱，射手柏比斯施斯同前隊長畢斯查嘅位置根本無法取代，上仗不敵緬恩斯仲有主力中堅科路戴亞尼被逐，今仗要停賽，難擋不來梅數胡。
