周四早上舉行巴西盃，其中ABC納泰主場對華斯高。近期ABC納泰喺州聯賽演出唔差，但講到尾都係一支巴西第三級別球隊，面對巴甲華斯高點都蝕底多少。華斯高縱然作客亦唔會對爭勝構成太大阻力，客W逾2倍要得過。（周四早上8時50分開賽）
ABC納泰近年都喺低組別比賽，好少同真正國內強隊作賽，實力有幾弱可想而知。而球隊近期能夠喺巴西盃交出好成績，全因對手大多數都係同級球隊，根本就畀唔到ABC納泰任何大考驗。今次遇到來自甲組嘅華斯高，ABC納泰近期靚績隨時會一次過被推翻。其實比較起近績華斯高一樣唔差，相信今晚可望以較佳質素贏波。
艾華爾返主場發威
另外艾華爾主場對伊帕汀加，2.15倍「讓球主勝」值得留意。首回合艾華爾只能與伊帕汀加打和，以一支甲組球隊嚟講演出的確令人失望。今次艾華爾有番主場之利，相信球員會打醒精神以防伊帕汀加「偷雞」。實在艾華爾喺州聯曾多次大勝弱隊，預計今場唔會放軟手腳，大勝可期。
最後哥列迪巴主場對戈亞尼恩斯，留意到哥列迪巴近期喺州聯操起托弗狀態，主場表現亦標青，相信今仗可輕取戈亞尼恩斯，主W熱得合理可捧場。
