賓施馬受傷、希古恩狀態未足,皇馬今場好可能搵艾迪巴約打單箭頭。呢位「多哥長腳蜢」可謂熱刺剋星,因為佢以往効力阿仙奴時候,九次對熱刺足足入咗八球,難怪皇馬教練莫連奴對佢充滿信心。足球彩票 足彩预测
9戰熱刺入8球
皇馬上仗聯賽主場不敵希杭,艾迪巴約錯失唔少機會,但今仗依然被莫連奴委以重任,佢有信心可帶領皇馬第十次奪得歐聯冠軍:「首回合我哋主場比賽,要盡量爭取入球,咁次回合先可以易打啲。」
艾迪巴約以往對熱刺經常入波,喺○六至○八年兩個球季,代表阿仙奴嘅佢於聯賽四次對熱刺都有士哥,所以佢對熱刺踢法可謂相當了解。艾迪巴約特別指出要提防高治:「我哋要特別留意迪科爾、加里夫巴利同埋高治,尤其係高治,佢身材高大,頭槌好又有腳法,雖然速度唔快,但帶波時候好似慢動作咁,反而仲難防守。」