明早美職上演西岸榜首大戰，皇家鹽湖城主場對科羅拉多急流，鹽湖城開季後聯賽三戰全勝，而且佢屬於主場王，跨季二十六場常規賽主場不敗。衞冕總冠軍急流防線欠佳，加上作客兩連敗，難與主隊抗衡，1.67倍主勝穩陣。（now 633及660周四早上９時直播）
鹽湖城主場戰績彪炳原因好簡單，因為當地位處高原，充分發揮地利因素，強如洛杉磯銀河今季作客鹽湖城，都慘敗一比四。最難得係鹽湖城今季連作客表現都大有改善，大大提升球員信心，已被視為奪標大熱，長追鹽湖城主勝，可謂投注美職嘅重要策略。
至於科羅拉多急流雖然成績唔算差，但問題係防線甩漏多，聯賽四戰已失咗五球，最離譜係上仗作客吞ＦＣ達拉斯三蛋，今次到訪「客軍煉獄」鹽湖城，恐怕難逃再敗。
銀河難讓多倫多
另一場美職，ＦＣ多倫多主場對洛杉磯銀河，銀河今季演出曳，而且王牌射手當路雲有傷在身，上陣成疑，作客更加冇本錢讓波，ＦＣ多倫多受讓平半，捧下盤。
