荷甲進入倒數階段，今晚獨腳戲由兩支近況頹到爆嘅球隊對碰，主場出擊嘅海倫芬火力始終有一定保證，相反烏德勒支近期頻頻失波，加上雙方對賽例旺主隊，一於要2.02倍主勝。（開賽時間：周六凌晨2:45）
儘管海倫芬近7場聯賽只拎得2分，但仍然領先降班區球隊10分之多，餘下4輪只要搶多3分，就可以宣布留班。雖然正值谷底，但海倫芬火力依舊，近3戰每場都入到2粒，上場更作客逼和班霸燕豪芬，大大提升陣內士氣。
對賽往績旺主隊
至於烏德勒支喺聯賽3連敗後，要爭取下屆歐霸盃資格相當渺茫，佢哋近期後防嚴重崩潰，近2場夾埋失咗7球，最慘係前鋒梅倫加有傷在身無法上陣，搞到攻又唔得，守又唔掂，作客火力有番咁上下嘅海倫芬難被睇好。再睇埋對賽，兩軍近5次聯賽碰頭，有4次由佔有地利嘅一方勝出，海倫芬2.02倍W理應可睇高一線。
