去到季尾,唔少球隊都踢到殘晒,個別更慘到有半隊主力唔踢得,但咁樣又未必交唔出成績,周二凌晨大家先見證完冇咗謝拉特嘅利物浦,仍然輕取人才濟濟嘅曼城,另一隊愈殘愈可愛嘅肯定係愛華頓。
布力般近7次作客6敗
上星期「拖肥糖」作客狼隊,仲開始要出青年軍,反而提供到季尾波最需要嘅活力,結果作客都照贏3粒,呢班波不嬲好開就好,冇話踢風流波就放軟手腳,迎戰護級分子布力般,1.6倍主W可以秤先。
布力般自從有富豪入主之後,只係不斷同過氣名牌球員拉上關係,但從來未見有實質有用收購,搞到季尾愈踢愈差,近7場作客更只得1和6負,完全唔值得捧場。(有線203及303周六晚10:00直播)足球彩票 足彩预测
Battle精選
足球重心
愛華頓(主勝)
睇飛搵食
帕爾馬(讓球主勝)
國米歐聯出局,理應全力爭取聯賽衞冕,不過今晚作客帕爾馬嘅飛數就唔多硬淨,足智彩客勝賠率同歐平只係相差0.01,強隊熱唔透點都要避一避。