今季英超護級形勢極度緊湊，就算依家排到第9、10位嘅紐卡素同西布朗都唔敢講話百分百安全，所以排尾3嘅韋斯咸今晚主場撼排14位嘅維拉，名副其實係場護級大戰！以兩班波嘅人腳，根本唔應該喺降班區掙扎，雙方為求搶分上岸，今晚肯定搶錢咁搶，玩入球大啱數！（有線202及302周六晚10:00直播）
同樣攻強守弱
韋斯咸雖然「雄踞」季席─倒數嗰隻，不過形勢又未至於太惡劣嘅，近兩場慘敗畀曼聯同保頓腳下確係有一定打擊，之但係佢哋勝在主場出擊唔係人咁品，近3次主場聯賽入咗8粒，對手仲要係曼聯同利物浦呢類頂級勁旅，證明「錘仔幫」有決心喺主場同對手死過。
事實上，韋斯咸最大本錢就係條攻擊線，卡頓高爾、丹巴巴亞都係衝刺力極強，加埋羅比堅尼呢位經驗豐富嘅戰將，所以夠膽踢走南非射手麥卡菲，今日肯定報番首循環慘吞畀維拉3蛋之仇！足球彩票 足彩预测
另邊廂嘅維拉今季表現大走樣，但佢哋嘅快速反擊踢法就一直無變，每逢對手搶攻嗰陣，就用戴倫賓特、艾邦拉荷同艾舒利楊格等高速球員大玩反擊戰，所以近7場作客聯賽都有波入，唯一問題係條防線唔掂同樣場場失波，今場撞正鍾意搶攻嘅韋斯咸，入波多係意料中事。
頂占筍盤
韋斯咸
入球大
