今晚德甲尾場賽事,剛喺歐聯晉級嘅史浩克04作客雲達不來梅,預料佢哋可憑一班着晒火嘅鋒將,輕易擊潰主隊條豆腐渣防線,一於捧佢哋延續勝軌,要3.3倍客勝。(有線61、64、202及203周日凌晨0:30直播)
不來梅失波德甲第2多
史浩克周中憑魯爾一傳一射,喺主場贏國米2:1晉級歐聯4強,兼且錄得4連勝。佢哋依家喺德甲落後第5嘅緬恩斯6分,為奪來屆歐霸盃資格今仗勢必搏盡。史浩克近期鋒力強勁,近4場狂入10球,加上今場有周中歐聯停賽嘅法芬復出,令客隊更添入波本錢。足球彩票 足彩预测
不來梅最近頻頻搶分,但條防線仍然穿窿,除咗連續17場失球,更係今季德甲失波第2多嘅球隊。不來梅今仗仲有拿杜同普特爾兩名後防主力因傷避戰,又連續5場主場贏唔到,迎戰史浩克睇怕難以全身而退。