德乙雖然只屬於低級數聯賽,但當中不乏投注佳選,亞琛就係其中之一,佢哋踢法充滿娛樂性,入波及失波數字都多,更已經連續十三場聯賽開入球大,非常好路。亞琛今晚主場對奧厄,好可能又上演入球騷,入球大值得再追。 (周日晚7時30分開賽)
主場大盤率86%
齋睇亞琛今季聯賽入咗四十九球,失咗五十球,就知佢哋屬大開大闔型球隊,再睇詳細數據,發現亞琛開大比率達到八成三,主場更有八成六,真係誇張,有佢哋嘅比賽,買入球大基本上冇衰。更何況亞琛依家高不成低不就,更加可以大踢性感足球。
一場比賽能否開大,亦要睇對手,雖然奧厄攻力唔算強,但佢哋以往遇上亞琛,表現都好有火,雙方近六次交鋒有五次開大。各種有利因素配合之下,進一步提升今場開大機會。
另外護級大戰包尾比勒費爾德主場對尾二奧柏侯遜,比軍護級機會已微乎其微,爭勝鬥心成疑,反而奧柏侯遜仲有得救,應會拚命一戰,而且奧軍有得受讓,要「讓球客勝」。至於格雷特霍夫主場對柏達邦,客隊已無心戀戰等收咧,連續八場聯賽不勝,格雷特霍夫仲要爭升班,有力淨勝兩粒或以上,捧「讓球主勝」。