摩納哥呢支○四年歐聯亞軍近年成績大不如前，估唔到今季更淪落到要喺護級漩渦打滾。目前法甲榜尾形勢，阿勒斯已篤定降班，朗斯距離安全線六分亦恐返魂乏術，餘下一席變數大，排十三嘅華倫西恩斯和十八位嘅卡昂只有三分差距，一場波足以扭轉整個護級形勢。
朴主永回勇係還魂丹足球彩票 足彩预测
摩納哥爭勝最大關鍵係朴主永，呢名南韓前鋒去到季尾及時回勇，對上三場聯賽都有士哥，佢哋今周主場迎戰近五場不勝、逐漸遠離爭標行列嘅雷恩，只要踢番上次主場擊敗里爾嘅水準，有望進一步擺脫降班威脅。
