今季德甲长时间由多蒙特大幅领先，时至今日相信冠军都系非佢哋莫属，目前焦点已非争标，亦非护级，而系拜仁慕尼黑能否取得下届欧联入场券。细鬼认为以拜仁雄厚根基，加上身为传统大球会，球员富荣辱感，冇理由连咁简单任务都完成唔到，拜仁今晚作客应可击败法兰克福，为余下联赛壮行色。（有线61及64台周六晚9时30分直播）
拜仁要攞欧联入场券原本唔需要搞到咁辛苦，最大问题系球会管理层犯下严重错误，一早宣布前教练尹戈尔会于球季结束后离任，结果佢冇心机教之余，球员亦唔听佢支笛，最终都系要提早炒尹戈尔，但已令球队行多咗冤枉路，搞到欧联出局，联赛争前三亦变得艰辛。
近6对赛炒3场
不过依家总算雨过天青，从拜仁上仗大炒利华古逊五比一，就知道呢支班霸已经返晒来，余下对手只系法兰克福、史浩克04、圣保利及史特加，呢四队难阻拜仁赢波。特别系今场对手法兰克福攻力差，相信威胁唔到拜仁大门，问题系输几多粒。睇往绩，双方近六次交手，拜仁取得五胜一负，其中三场胜仗净赢三球或以上，要再炒法军，并唔困难，“让球客胜”值博。
推介：拜仁慕尼黑 让球客胜
