周五早上續演自由盃十六強首回合,巴西富明尼斯主場迎戰巴拉圭利伯泰迪,論名氣富明尼斯雖然稍勝一籌,不過利伯泰迪過去四屆三次打入自由盃十六強,經驗唔會輸蝕畀對手,而且佢哋分組賽六戰不敗,只要踢出水準有望全身而退,受讓捧「讓球客勝」。(周五早上8時50分開賽,馬會網上文字直播)
富明尼斯貴為上季巴甲冠軍,陣中又有費特、迪高等名氣球星,論牌面無疑稍勝客軍一籌,不過如果從分組賽表現嚟睇,球隊六仗只得兩勝,僅以得失球差壓過蒙特維多國民隊出線。相反利伯泰迪於A組六戰不敗,而且六場比賽都取得入球,攻守演出都比富明尼斯平均,實力差距唔係大家想像中咁大。足球彩票 足彩预测
大賽經驗唔輸富明尼斯
利伯泰迪近年係自由盃常客,過去四屆有三次進身十六強,其中有兩次首回合作客出戰都保持不敗,應付此階段比賽可謂駕輕就熟,而且佢哋目前於國內聯賽落後榜首奧林比亞十一分,爭標機會不大,現階段可以專心踢好自由盃。
富明尼斯剛於州聯賽準決賽火併國內另一勁旅法林明高,最終以互射十二碼飲恨,對士氣或有一定打擊,就算有主場之助都未必有着數。