歐霸盃四強首回合，波圖主場鬥維拉利爾。波圖本季所向無敵信心爆棚，教練保亞斯以攻代守，必採取主動喪攻，就算領先一粒都唔會縮番轉頭。「黃色潛艇」近八仗歐霸盃七次開大，為爭取作客入波亦唔會手軟，吼大盤。（有線1及61台周五凌晨3時05分直播）
翻查近四屆歐霸盃（連前身足協盃）八場準決賽首回合紀錄，當中有七場開細。其實此為正常現象，因為去到四強關鍵時候，對賽雙方必然較為謹慎，所以開大機會自然較微，否則以今場兩軍攻力，大盤冇理由有1.85倍咁好分。但足球博彩不能一本通書睇到老，球隊心態、踢法等比數據更值得考慮。
波圖本季順風順水，以超班姿態提前今季奪得葡超冠軍，廿七場聯賽廿五勝二和，少帥保亞斯根本唔知個輸字點寫，以佢一貫作風，預計今場唔會改變球隊主攻踢法。攻擊手侯克、法卡奧等遇強愈強，今仗仲要主場出擊，又點會畏首畏尾？淨係睇波圖上一圈主場鬥莫斯科斯巴達贏五個一皮，就知呢支葡萄牙球隊火力有幾猛。維拉利爾防守向來唔算特別穩陣，波圖今場入一至兩粒冇問題。足球彩票 足彩预测
維拉利爾作客唔會縮
維拉利爾來自西甲，相信球隊上下都唔會覺得本身實力較對手曳。事實上，「黃色潛艇」於歐霸盃愈踢愈順，基奧斯比羅斯、尼爾馬等個個踢到着火，十六強首回合就算作客都同利華古遜鬥攻，最終開出三比二大波膽，佢哋一隊都夠開大。預計今場係非一般準決賽，快打快之下有機會早早開出大盤。
