今晚有多場盃賽上演，阿King睇中意大利盃十六強巴勒莫主場對錫耶納，西西里島球隊巴勒莫「小島威力」出名犀利，今季聯賽主勝率近九成，上屆意盃亦打入決賽，點秤都高過護級分子錫耶納，主勝有1.66倍最好用來過關。（周三凌晨4時開賽）
「傻豹」巴勒莫一向靠主場搵食，今季聯賽主場七戰六勝一負，就係啱啱上仗被切塞納打破主場長勝走勢，不過要留意巴勒莫該仗有後衞艾斯基蒙迪路被逐，否則未必會輸。對巴勒莫呢種中型班而言，喺聯賽只能陪跑，所以比起傳統強隊，更有心機爭盃賽，上屆進身決賽輸畀國際米蘭，的確有啲唔抵，今屆捲土重來，爭標戰意肯定更加高。
錫耶納聯賽三連敗兼冇波入，現已跌積分榜尾三，未來日子應會全力為護級而戰，根本無力分身盃賽，如果早早出局反而對球隊更有利。事實上，佢哋近三次作客巴勒莫，都捧蛋而回，今場亦無望爆冷。
馬拉加作客爆「基」
意盃一場定生死，西班牙盃則分兩回合，今晚第四圈首回合，西甲包尾嘅薩拉戈薩亦要專注護級，作客乙組艾高干，未必有優勢，寧捧主隊。「西甲曼城」馬拉加今季大灑金錢增兵，梗係想攞番個盃威吓，作客可以擊敗基達菲
