多得曼聯對車路士開下盤，同埋賓菲加、維拉利爾齊齊贏波，「四眼哥」又喺擂台上返嚟，今日又有機會同大家喺《是日正菜》見面。時值季尾，足智彩對於意甲已經採取「寧願開少場」嘅策略，為免因為一啲傳聞嘅默契波招致不明不白嘅損失；但係開得嘅係唔係代表一定正路呢？好似今日同大家研究嘅幾場意甲咁，「四眼哥」就認為未必一定係熱啲、排名高啲嗰隊贏喇！
隨住國際米蘭0:3畀AC米蘭KO咗，暫時落後榜首3分嘅拿玻里，已經被認定為最有分量嘅攔路虎，佢哋教頭亦話要爭榜首添。而佢哋個Die Hard擁躉——天空電視台性感女主持卡特里娜，就向Radio Kiss Kiss嘅記者放料，話拿玻里今季攞到冠軍嘅話，佢會剝衫祝捷，益吓大家咁話，拿玻里班球員識做啦！
拿玻里卡雲尼停賽
咁又係嘅，拿玻里喺歐霸盃出局之後，集中喺意甲爭霸嘅表現十分唔錯，喺上月頭作客0:3輸畀「紅黑軍團」之後嘅4場，就錄得3勝1和，對上3場贏晒，氣勢如虹！今晚作客近兩仗僅得1和1負嘅博洛尼亞，好自然畀歐莊睇好。
不過，足智彩可能考慮到拿玻里今場有孭飛射手卡雲尼停賽，博洛尼亞又係意甲其中一隊「主場特佳」嘅奇兵，之前15次主場錄得7勝6和2負，試過主場搞到國米、祖記同拉素失分，今場搞埋你拿玻里有咩出奇呢？於是將個主勝壓到好低，1.98倍「讓球主勝」係「四眼哥」今日心水嘅「冧巴溫」。
是日推介
博洛尼亞
（讓球主勝）1.98倍
熱拿亞
（讓球客勝）2.15倍
巴里
（讓球主勝）1.50倍
里奧艾維
（讓球客勝）1.57倍
博洛尼亞勝 和 拿玻里勝
