周一凌晨西甲上演「阿三爭奪戰」，華倫西亞主場大戰「黃色潛艇」維拉利爾。由於兩軍早被「雙雄」巴塞、皇馬拋離，所以聯賽目標就只能寄望爭第三，來季直接踢歐聯分組賽。論狀態「潛艇」較優勝，加上往績亦佔優，維拉利爾1.78倍「讓球客勝」值得捧場。 (now 632及660周一凌晨3時直播)
巴塞與皇馬兩大班霸近季在西甲大超班，搞到華倫、維拉利爾及西維爾等一線尾球隊，根本連掹車邊嘅能力都冇，就好似今季咁，分數老早被「雙雄」拋開一大截。不過第三位都非常緊要，皆因可以直接踢歐聯分組賽，所以兩軍今場肯定打甩髀。
維拉利爾近四對碰不敗
雖然維拉利爾日前踢完歐霸盃賽事，球迷或許會擔心「潛艇」在體力上未能恢復過來。不過只要有觀賞首回合賽事嘅朋友，就知道「潛艇」踢得非常輕鬆，最終以五比一贏波，對今場應該唔會有太大影響。
華倫西亞連盃賽在內近四場賽事一勝三負，狀態只屬一般，加上近四次對賽兩和兩負未贏過，今場讓波玩唔過，加輝建議捧受讓嘅維拉利爾。
